МӨНГӨ УГААХ, ТЕРРОРИЗМЫГ САНХҮҮЖҮҮЛЭХИЙН ЭСРЭГ БОДЛОГО
Харилцагч болон Үйлчилгээ үзүүлэгч нь Мөнгө Угаах болон Терроризмыг Санхүүжүүлэхтэй тэмцэх тухай хуулийг эсхүл олон улсын хэмжээнд хэрэгждэг мөнгө угаах болон терроризмыг санхүүжүүлэхтэй тэмцэх тухай хууль, журам, гэрээ, конвенц зэргийг дагаж мөрдөх үүрэгтэй болно.
Виртуал хөрөнгийн үйлчилгээ үзүүлэгч нь Мөнгө угаах болон терроризмыг санхүүжүүлэхтэй тэмцэх тухай хууль болон 2019 оны 1-р сарын 21-ний өдөр Монгол Банкны Ерөнхийлөгчийн А-26 дугаар тушаалын хавсралтаар баталсан Мөнгө угаах, Терроризмыг санхүүжүүлэхээс урьдчилан сэргийлэх үйл ажиллагааны журмын дагуу болон бусад холбогдох хууль тогтоомжийн дагуу харилцагчийг таньж мэдэх үйл ажиллагааг явуулж болно.
Үйлчилгээ үзүүлэгч нь эрх бүхий байгууллагын хууль ёсны шаардлагын дагуу Харилцагчийн бүртгэлийн мэдээлэл, арилжаа гүйлгээний мэдээллийг гаргаж өгч болно.
ХАРИЛЦАГЧИЙГ ТАНЬЖ МЭДЭХ ҮЙЛ АЖИЛЛАГАА
1.1. Харилцагчийг таньж мэдэх үйл ажиллагааг харилцагчийн төрөл болон эрсдэлийн түвшинд үндэслэн стандарт болон өргөтгөсөн хэлбэрээр хийнэ.
1.2. Виртуал хөрөнгийн биржийн системд бүртгэл үүсгэж буй бүх харилцагчид "Харилцагч бүртгэх үйл ажиллагааны журам"-ын дагуу стандарт хэлбэрээр харилцагчийг таньж мэдэх үйл ажиллагааг хэрэгжүүлнэ.
1.3. Харилцагчийн бүртгэлийн явцад болон мэдээлэл шинэчлэх процесст худал эсхүл хуурамч бичиг баримт, мэдээлэл бүрдүүлж өгсөн бол Санхүүгийн мэдээллийн албанд мэдээлнэ.
1.4. Харилцагчийн эрсдэлийн түвшин өндөр болон автомат хяналтын системийн гүйлгээний дүрмийн хяналтанд 2 болон түүнээс параметрт алерт үүссэн тохиолдолд өргөтгөсөн хэлбэрээр харилцагч таньж мэдэх үйл ажиллагааг хэрэгжүүлнэ.
САНХҮҮГИЙН ЗОРИЛТОТ ХОРИГ АРГА ХЭМЖЭЭГ ХЭРЭГЖҮҮЛЭХ
2.1. ВХҮҮ нь олон улсын хориг арга хэмжээний жагсаалт болон эрх бүхий байгууллагаас тодорхойлсон хоригт бүртгэлтэй этгээдийн жагсаалтын системийн хэмжээнд тохируулан харилцагч болон гүйлгээний өгөгдлийг шалгана. Харилцагчийн мэдээлэл дараах хориг жагсаалттай тохирсон тохиолдолд харилцагчид мэдэгдэлгүйгээр шууд болон шууд бус өмчлөл, эсхүл хяналтад байгаа хөрөнгийг нэн даруй царцааж, энэ тухай СМА болон Тагнуулын ерөнхий газарт 24 цагийн дотор мэдээлнэ.
2.2. Хориг арга хэмжээний жагсаалт :
- 2.2.1. ОФАК SDN & NonSDN – АНУ-ын Сангийн Яамны дэргэдэх Гадаадын хөрөнгийн хяналтын албанаас гаргасан Хориг арга хэмжээний жагсаалт;
- 2.2.2. UN – Нэгдсэн Үндэсний Байгууллагын Аюулгүйн Зөвлөлөөс гаргасан террорист этгээд гэж зарлагдсан хувь хүн, хуулийн этгээдийн жагсаалт;
- 2.2.3. EU – Европын Холбооны хориг арга хэмжээний жагсаалт;
- 2.2.4. HMT – Их Британийн HMT (Her Majesty Treasury) хориг арга хэмжээний жагсаалт;
- 2.2.5. Бусад гадаадын болон дотоодын боловсруулсан жагсаалт;
3.1 Мөнгө угаах болон терроризмыг санхүүжүүлэхтэй тэмцэх чиг үүрэг бүхий олон улсын байгууллагаас мөнгө угаах болон терроризмыг санхүүжүүлэх хяналтын хангалтгүй тогтолцоотой гэж тодорхойлогдсон улсаар дамжуулан хийсэн гүйлгээнд дараах төрлийн гүйлгээг хамруулах ба үүгээр хязгаарлагдахгүй. Үүнд :
- 3.1.1. ФАТФ-ын саарал жагсаалтанд бүртгэлтэй IP хаяг руу/хаягнаас виртуал хөрөнгийн гүйлгээ хийх;
- 3.1.2. ФАТФ-ын саарал жагсаалтанд орсон улс орон руу/орноос виртуал хөрөнгийн гүйлгээ хийх/хүлээн авах;
ШИНЭ ТЕХНОЛОГИ
4.1. ВХҮҮ нь шинэ технологи нэвтрүүлэхээс өмнө мөнгө угаах болон терроризмыг санхүүжүүлэх эрсдэлийг бууруулах зорилгоор дараах арга хэмжээг авч хэрэгжүүлнэ. Үүнд :
- 4.1.1. Шинэ бүтээгдэхүүн, үйлчилгээ, тэдгээрийг харилцагчид хүргэх арга хэлбэрийн МУТС зорилгоор ашиглагдах эрсдэлийг үнэлэх;
- 4.1.2. Шинэ технологи нэвтрүүлснээс үүдэх мөнгө угаах болон терроризмыг санхүүжүүлэх эрсдэлийг бууруулах, үр нөлөөг нь багасгах талаар шаардлагатай арга хэмжээг авч хэрэгжүүлэх;
БИЗНЕСИЙН ХАРИЛЦАА ДУУСГАВАР БОЛГОХ
5.1. ВХҮҮ нь дараах тохиолдолд харилцагчтай тогтоосон харилцааг дуусгавар болгоно. Үүнд :
- 5.1.1. Харилцагчтай тогтоосон харилцаа нь мөнгө угаах, терроризмыг санхүүжүүлэх эрсдэлтэй гэж үзсэн тохиолдолд;
- 5.1.2. Харилцагч мөнгө угаах, терроризмыг санхүүжүүлэхтэй тэмцэх болон бусад хууль тогтоомжтой холбоотой шаардлагатай мэдээллийг гаргаж өгөхөөс татгалзсан тохиолдолд;
- 5.1.3. Биржтэй байгуулсан гэрээг зөрчсөн тохиолдолд;
Компани
Холбоо барих
+976 7277-5050
Сүхбаатар дүүрэг 2-р хороо, 5-р хороолол, Твин тауэр 2 барилга 11 давхартХолбоос
Компани
Холбоо барих
+976 7277-5050
Сүхбаатар дүүрэг 2-р хороо, 5-р хороолол, Твин тауэр 2 барилга 11 давхартХолбоос
Компани
Холбоо барих
+976 7277-5050
Сүхбаатар дүүрэг 2-р хороо, 5-р хороолол, Твин тауэр 2 барилга 11 давхарт